රා මුට්ටිය ...

තිත්ත කළුවර වැටුණු අහසේ තැනින් තැන විදුලි රේඛා විටින් විට මතු වෙයි.ගෙදර පිල මත තිබූ කුප්පි ලාම්පුව විටින් විට හමන සුළඟින් නිවෙන්නට යෑම වැළැක්වීමට මැණිකා ලාම්පු දැල්ල අතින් වසයි..විට්න් විට හමන සුළගත් සමඟ මුසු වූ පිනි ඇගේ මුහුණ පිස හමද්දි........ඈතින් අරනොරිස් ගේ සුපුරුදු ගීතය ඇසෙත්ම පිලෙන් සිට ගත් ඇය නිවස ඇතුළට වැදුණේ කලින් ලද පහර කෑම් වල වේදනාව තවමත් නොමැකි මතකයේ තිබූ හෙයිනි........

කෝ මේ ගෙදර උන් ? සරම කැසපොට ගසා ගත් අරනොරිස් කෑ මොර දීම ඔහුගේ සිරිතය..රා පේරිම,කිතුල් පැණි හා හකුරු සෑදිම ජිවිකාව කර ගත් ඔහු වචනයේ අර්ථයෙන්ම රා ගුඩ්ඩෙකි .....

යකෝ .....මේ ගෙදර උන් කොහේ තොලොංචි වෙලාද ? ඔහුගේ කෝපය වැඩිවත්ම භාෂාව ද සැර පරුෂ වීම මැණිකාට හුරුය ...ඇය මුවින් කිසිත් නොදොඩා ඉදිරිපස දොර ළඟට වුත් කුප්පි ලාම්පුවෙන් එළිය අල්ලා ඔහුට නිවසට එමට සැලස්විය....

බත් කාලා හිටියා නම් ....මැටි බදුනට බත් හා වෙනත් ව්‍යංජන බෙදා අරනොරිස්ට පිලි ගැන්වු ඇය බලා උන්නෙ ඇයගේ ලොකු පුත්‍රයා නිවසට ගොඩ වන තුරුය ...ඔහු තරුණ කොලු ගැටයෙකි යන්තමින් දැලි රැවුල මුහුණෙ වැවුණු ඔහු නමින් යසපාල විය .ඔහුට රැකියාවක් නොතිබුණ අතර කළ එකම රාජකාරිය කොල්ලන් සමග ගම වටේ රවුම් ගසා රාත්‍රියේ නිවසට වැද නිදා ගැනිම පමණි....මෙතෙක් වෙලා ගැබ්බර හිටි අහස එක්වරම වැහි කඩා හලන්නට විය ...කළුවර රැයක අතොරක් නොමැතිව,අකුණු විදිමින් වහිනා වැස්ස රාත්‍රිය චමත්කාරය ඉහළ නැංවිය....අකුණු එළියෙන් නිවසේ විවිධ හැඩ සෙවනැලි මතුවී පෙනෙයි ...එවා සුන්දරය,මිහිරිය,කලින් හැමු සැඩ සුළග වුවද වාර්ෂාව සමඟ එක් වු විට හමන්නෙ ගතට සිසිලස දෙන අයුරිනි .....

වැස්ස තුරල් වත්ම ඉදිරිපස දොරට කවුරුන් හෝ තට්ටු කරනු හඩ ඇසුණු මැණිකා නැවැත කුප්පි ලාම්පුව දල්වා ......

කවුද ............ 
අම්මා ...දොර අරින්න ...මේ මම ....ගොනි පඩංගුව දෙකොන ගොට්ටක් අකාරයට නමා හිස මත දමා ගත් යසපාල දොර අසලය .....

ආ ...උඹට දැන් ද ගෙදර මතක් වුණේ ...මුවින් කිසිත් නොකි ඔහු පැදුර එලා නිදා ගැනිමට සැරසුණ අතර ...

අන්න බත් බෙදලා තියෙනවා කාපාන් ........

                                                        ******************
අදත් තෙලිජ්ජ ටික මොකෙක් හරි බීලා ගිහිල්ලා,.....උදැසනින්ම හකුරු සෑදිමට අවශ්‍ය තෙලිජ්ජ ගෙන එමට ගිය හේ නිරුවත් පපුව අත ගාමින් නිවසේ පිලෙහි හිද හීල්ලිය ....

මොකා බොන්නද ? තමුසේ ඒ ටිකත් බොන්න ඇති කන මදයා වගේ ....අයේ බොන්න ගියාම තමුසේට සිහියත් තියෙන එකක් ඈ ...විල්ප්‍රට් මහත්තයාට පිං සිද්ධ වෙන්න මං අර රබර් කැල්ල කිරි කැපුවේ නැත්නම් ඔහෙල ගේ බඩ දැන් පිටට ඇලිලා .....

මැණිකා ගේ වචන අරනොරිස් ගේ පපුව හරහා සිදුරු වී ගියේ මූනිස්සම් කැට එකින් එක තම පපුවට විදින්නාක් මෙනි...ඔහු මුවින් කිසිත් නොකියා කල්පනාවෙ සිට එක් වරම ඉණෙහි රුවාගෙන සිටි පිහිය ගෙන අතට කෝපයෙන් වෙව්ලන මුහුණින් යුතුව ....

අද මං කරන්නම් හොද වැඩක්,ඔහු කෝපයෙන් වෙව්ලන අතින් පිහියත් ගෙන ......

මේ ගිනි මද්දහනෙ කොහෙද මනුස්සයෝ ඔය යන්න හදන්නෙ ?...

මෙතුවක් කාලයක් මේ ගමේ එකෙක් මගේ තෙලිජ්ජ ටිකට අත තියලා නෑ..මං හොරකන් කරපු එකාට හොද වැඩක් කරන්න යන්නෙ ..සරමෙහි කොනක්  දණහිසට මදක් උඩඩ එන තෙක් අතින් ගෙන කඩුල්ල උඩින් පැන ගිය අරනොරිස් ගැන මැණිකා ගේ සිතෙහි බියක් ඇති නොවුනාම නොවේ.නමුත් ඇයට කළ හැක්කක් නොමැත,අරනොරිස් කොට කෙන්තිකාරයෙකි එ බව ඈ හොදින්ම දැන් උන්නාය...ඔහු ප්‍රශ්නයක පැටලුණු පසු කොතනින් කෙළවර කර ගනිද යන්න දන්නෙ ඔහුම පමණි...

ගොම්මන් අඳුරු වැටෙත්ම නිවසට අරනොරිස් පැමිණියේ පුරුදුපරිදි කට ගොන්නක් බී ගෙනමය ....ඔහු විටෙක  සිනාසෙයි ,තවත් විටෙක කල්පනා කරයි ...

හැක් ...අද නම් ඌ කම්මුතු වෙනවා ....හැක් හැක් .....මං හොද වැඩක් කරලා ආවේ ....

තමුසේ මොනවද කරේ ගිහින් මනුස්සයෙක්ට ගැහුවද ?රා පොල්කට්ටක් නිසා ...

හැක් ..පිස්සුද..මං කිතුලේ උඩින් හැර කපලා ආවේ....ඌ ගහ යටම කම්මුතු වෙලා යන්න .... හැක් හැක් ...

                                                             *****************

පසුදින උදෑසනින්ම අරනොරිස් නිවසින් පිටව ගොස් තිබිණ.දහවල් වන විට නැවත නිවසට වුත් පිල මත වාඩිවී බුලත් විටක් හපයි ...විටින් විට රත් පැහැති කෙළ ''චිරිස්'' හඩින් තොල් පට දෙකට ඇගිලි දෙකක් තද කොට ඒ අතරින් මිදුලට විදී .....

ඈ ...එයි ...මොකෝ අදත් තෙලිජ්ජ නැත්ද ?පිල උඩ බකන් නිලන් ඉන්නෙ ?

කොහේ ....මං ඊයෙ කිතුලේ උඩ හැර කපලා අවේ,ඌ එක මග ඇරලා ගහ දිගේ ගොහින් නේ ...

අනේ යනවා යන්න තමුසේගේ බොරු නොකියා ....එකත් බිලා මෙතන තව බොරුත් ගොතනවා ......පිලෙන් නැගිට සිටි අරනොරිස් මිදුලට බැස මුවින් කිසිත් නොබැණ කඩුල්ල පැන යනු මැණිකා බලා උන්නාය ....

එදින හවස අරනොරිස් නිවසට ආවේ බිමතින් නොවිම මැණිකා ගේ පුදුමයට හේතු වුවත් ඇය එ ගැන කිසිත් නොඅසා සිටි අතර අරනොරිස් ඉදිරිපස පිලට බර දී රෑ සඳ මුදුන් වනතුරුම කල්පනාවකය ..

එයි ...මේ බත් ටික කාලා හිටියා නම් ?

හ්ම්ම්ම්....

මොකෝ ඔහෙට වෙලා තියෙන්නෙ ආපු වෙලේ ඉදන් කල්පනාවෙමයි ....

පසුදින අරනොරිස් හදිසියේ වෙළෙඳපොළට ගිය අතර නිවසට එන විට ගොම්මන් අදුර වැටෙමින් තිබිණ.ඔහු නිවසට යන අතරතුර වෙද ගෙදර දෙස බැලුවෙ එහි ගමේ මිනිසුන් එක්කාසු වී සිටිනු දුටු හෙයිනි....ඔහු සෙමින් මිනිස්සුන් අතරින් ඇදි දුටු දෙයින් දෙපා පණ නැති වී ගියේ නොදැනුවත්වමය.වෙද නිවසෙහි ඉදිරිපස පැදුරු මත දිගා කරවු කොල්ලන් කිහිප දෙනෙකි.ක්ෂණයකින් ඔවුන් අතර සිටි ඔහු ගේ වැඩි මහලු පුත් යසපාලව ඔහුට අදුන ගැනිමට  හැකි විය.මැණිකා හා තවත් ගැහැණුන් කිහිප දෙනෙක් බිම හිද කඳුළු වගුරවයි ...ඔහු හෙමින් ලංව .....

මොකද වෙද මහත්තයෝ මගේ කොල්ලට ...? 

මොකක් හරි විසක් කැවිලා බොල,කොලුවො ටික කොහෙන් හරි විසක් දපු රහමෙරක් බීලා වගෙයි.......

අරනොරිස්ට ඇසුනෙ එපමණකි..........