පියදාස ඉඩොරයට පුරන්ව ගිය කුඹුරේ අතරින් පතර බොල්ව ගොස් නොමැති වී කරල් සොයා අතින් කඩමින් උර පත්තෙහි එල්ලා ගෙන සිටි මල්ලට දමා ගනි.පිදිමට ආසන්නව ඉඩොරයට අසු වු කුඹුරේ එක් පසකි,තවත් කොටසක් පීදුණු බොල් වී විය.අහස දෙස බැලු පියදාස දිගු හුස්මක් හෙළා මුහුණේ තිබු දහඩිය පිස දැමිය.මාස ගණනකින් වැසි දියක් නොලද පොළොව විවිධ රටාවල් මතු කරමින් ඉරිතලා ගොස් ය.අක්කර තුනක පමණ කුඹුරු යායක් සම්පූර්ණයෙන්ම ඉඩොරයට හසුව පුරන්ව ගොස් තිබිණ.ගොයම් කණාටුව බිමට හැරි වියළි ගොස් තිබුණෙ පියදාස ගේ දහසක් බලාපොරොත්තු ද සමගිනි.කැද ටිකක් හෝ බීමට වී ප්‍රමාණයක් සොයා ගැනිමට සිතු හේ ගිනි පූටකය නොතකා දෑකැත්තක් මෙන් නැවි කුඹුරේ වී කරල් ඇහිදිය.දරුවන් සිවු දෙනෙකු ගෙන් යුතු පවුල යැපුනේ පියදාස වගා කල දෙයකිනි.ඔහුගේ ලොකු දුව වු කමලාට පසුගිය දිනක ඉස්කොලයක කම්කරු පත්විමක් ලැබිම කරදර කන්දක් ගොඩ ගැසි තිබු පියදාස ගේ සිතට යම් සහනයක් ගෙන ආ කරුණක් විය.දීග දෙන වයසක සිටි කමලාට කම්කරු පත්වීමක් සදා දුන්නෙ ඔහු වගා කටයුතු කල ගොඩ ඉඩම් අක්කර දෙක උගස් කර ලැබුණු මුදලිනි....
තාත්තෙ...........තාත්තෙ............
ඔහු හිස ඔසවා බැලීය ...ඔහු ගේ පොඩි දරුවා වන පියසෝම කුඹුර දෙසට දිව එමින් සිටීය....වයස අවුරුදු දහයක් පමණ වු පියසොම කොණ්ඩය අවුල් කර ගත් හිසින් හා නාවර පෙරුණු මුහුණකින් හා අත් පා වලින් නිතරම සිටි කොලු ගැටයෙකි.නිතර නිතර ගමේහි විවිධ දඩබ්බර වැඩ කල ඔහු නිසා පියදාස මිනිසුන් ඉදිරියේ සමාව ගැනිම් නිතර සිදුවූ දෙයක් විය.
මොකෑ ......උක්කුවෝ මේ ගිනි පූටකේ ......ඔහු හති අරිමින් කියන්නට සැරසුණ දේ ගැන පියදාස බිය උයේ ඔහු ගේ මෙම හැසිරිම පිළිබඳ දැන උන් හෙයිනි......
අර අන්දිරිසා මට පත බාන්න පන්නනවා ...ඔහු ඇස් ලොකු කර ගනිමින් පැවැසීය...
හේතුවක් නැතුව උඹට පත බාන්න එළවන්නෙ ඌට පිස්සු ඈ ....
එක මන් දන්නෙ නෑ ...මද වෙලාවක් ගත වන විට අන්දිරිස් තරමක කෝටුවක් ගෙන එමීන් සිටි අතර එය දුටු පියසෝම තව පියා පිටුපස සිට ගත්තෙ බිය නිසාමය.
පියදාස උඹේ කොල්ලා මගේ වත්තට පැනලා කෙසෙල් කැන් වල තිබුණ බාගෙට ඉදුණු කෙසෙල් ගෙඩි ටිකත් කාලා,කුරුම්බා ටිකත් ගලක ගහලා බොනවා මගේ අතටම අහු උණා.....පියදාස උක්කුවා දෙස බැලීය...
මේ ඇත්තද කියන්නෙ ?ඈ උක්කුවෝ .....පියසෝම කිසිත් නොකියා පියදාස ගේ සරමේ කොනින් අල්ලාගෙන බීම බලාගෙන හිදී ....
උඹට මගේ පාඩුව ගෙවන්න වෙයි ඕන් ....මේ ගිනි පූටකෙට හැම තැනම වෙලිලා තියෙන වෙලාවෙ උඹ දන්නවා නේ ගණන් බඩු වල,පියදාස කිසිත් නොකියා කර බා ගත්තෙ වරද ඇත්තෙ තමා ගේ පුත්‍රයා ගේ බව එත්තු ගැන්වි තිබුණු බැවිනි ....අන්දිරිස් පිටව ගොස් මද වෙලාවක් ගත වත්ම .....
ඈ උක්කුවෝ උඹ මොකද අර මනුස්සයා ගේ වත්තට හොරෙන් පැනලා කුරුම්බා කෑවේ?කුඹුරේ වියළි ගිය දිය කුඹුක් ගසක් එක් අතකට ගනිමින් අනික් අතින් පියදාස උක්කුවාව අල්ලා ගෙන ඇසිය .
බඩගින්නට ......අම්මා කිව්වා අද උදෙට ඉව්වෙ නෑ කියලා,ඊයේ රෑත් කෑවෙ නෑ මට බඩගිනි නිසා කෑවේ ..උක්කුවා මහ හඩින් හැඩිය......
**********************
සුමනෝ ......සුමනෝ .... මෙන්න ටික සුද්ධ කරලා බලපන් කැද ටිකක් හරි හදා ගන්න හාල් ටිකක් තියෙනව ද කියලා .....අද ග්‍රාම සේවක මහත්තයා ආවෙ නැතෙයි අධාර ලියන් යන්න .....මං එනකොට සිරිපාලයා කිව්වෙ උන්දැලාට ලිව්වා කියලා ....
ඔහේ ආවේ ...ලොකු කෙල්ලට ආණ්ඩුවේ පත්වීමක් තියෙනවා කියලා අපිට අධාර නැතිලු ...පියදාස ගේ මුහුණ රතු විය...
එක හරි කතාවක් නේ ...ලොකු කෙල්ල ගෙන් ඈ අපි කලා බීලා ඉන්නෙ .....එකිටත් තවම කන්න බොන්න දෙන්නෙ අපි ....අනික එකිට කියාලා මහ ලොකු සල්ලියක් ලැබෙනවා ඈ ......
මිදුල ඉදිරිපස දෙසින් ඇසුණු වාහන සද්දය නිසා පියදාස නිවසින් එළියට අවුත් බැලීය ......නව පන්නයේ මෝටර් රථයක් මිදුලෙහි නතර කර ඇත.එයින් පිටතට බැස නිවසට ගොඩ වුණු පුද්ගලයාව පියදාසට හැදිණ ගැනිමට හැකි විය.එ ලොකු මහත්මයා ගේ ලේකම් තුමා වූ නිමලසිරි මහතා විය .තරමක් ඉදිරියට බඩ නෙරා තිබු ඔහු අතින් ගත් පොත් පත් මිටියකි,නිවසට ගොඩ වැදුණු ඔහු විශාල පොතක් පෙරළා බැලීය .....දැඩි ඉඩොරය මුහුණ පා අන්ත අසරණව සිටි ඔහු බලාපොරොත්තු නෙතින් බලා සිටියේ කෑමට හෝ යම් අධාරයක් දෙන්නට ඔහු පැමිණ ඇතැයි සිතාය ....
කමලා කියන්නෙ කවුද ?....
ඒ අපේ ලොකු කෙලි ?මොකක් හරි උවමනාවක් ද මහත්තයෝ ?....
අලුතින් ඉස්කෝල වලට පත්වීමක් හම්බ උනා නේද ?....දැන් කොහෙද වැඩ කරන්නෙ ?.......
පත්වීමක් නම් හබ්බ උනා සභාවෙ සභාපති තුමා තමයි කෙල්ලට රස්සාව හදලා දුන්නෙ ....දැන් අපේ ගමේ ඉස්කොලේ තමයි වැඩ .....
ඔහු පොත පෙරලා එහි පිටුවක තිබුණු ඔහු ගේ හා කමලා ගේ රූපයක් පෙන්වීය.ඒ ඇයට පත්වීම ලබා ගැනිමට දින කිහිපයකට මත්තෙන් පත්විම් ලියුම් ලද අය වලුන්ව කැදවා ලොකු මහත්මයා ගැනුණු ජයාරූපය විය.
මේ තියෙන්නෙ අපේ ලොකු මහත්තයා හදලා දුන්නු රස්සාවල් වල ලැයිස්තුව,ඔහෙගේ දුවටත් රස්සාව හදලා දිලා තියෙන්නෙ අපේ ලොකු මහත්තයා ......මේ ලඟ ඉස්කෝලෙකට පත්වීම දිලා තියෙන්නෙත් ඔහෙලා අපේ ලොකු මහත්තායට ජන්දේට වැඩ කරපු උදවිය කියලා මේ පොත් වල ලියවිලා තියෙන නිසා .....ඔහු සිනා සී පියදාස දෙස බැලිය ...
අනේ ඉතිං කවුරු උනත් කෙලිට රස්සාව හදලා දිපු එක අපිට කරපු ලොකු උපකාරයක් නොවෑ ....
දැන් එ කරපු උපකාර වලට යුතුකම් ඉෂ්ඨ කරන වෙලාව ....එතුමාට මේ පාර ජන්දය ජය ගන්න සුබ පතලා ගේ ඉස්සරහා පාරට පේන්න පොස්ටරයක් දාන්න ඕන ....
හරි ,මහත්තයෝ මහත්තයලා කැමැති එකක් ගෙදර ඉස්සරහින් එල්ලන්න එකට අපේ කිසිම අමනාපයක් නෑ .....
**************************
පියදාස නිවස ඉදිරිපිට බංකුව මත හිද බර කල්පනාවකය,කකුලේන් මිදුලේ වැලි එකතු කොට නැවැත විසුරවා හරියි ....
ඈ ..එයි අර මහත්තයා මොකද කිවේ ....මොකක් හරි ආධාරයක් වත් දෙනවා කිව්වද ?
මොන .....උන්දැ කියන්නෙ ලොකු මහත්තයාලු අපේ කෙලිට රස්සාව හදලා දුන්නෙ කියලා ...
ඉතිං ..ඔහේ මොකද කිව්වෙ ?.....
මං මොනවා කියන්න ද ඒයි ,ලොකු කෙළිව දුරකට මාරු කොලා නම් එහෙම .....අනික ඔය මොකක්ද පෝස්ටරයක් ගහන්න කිව්වෙ ගෙදර ඉස්සරහා .....
පොස්ටරය දිලා ගියැයි ???
නෑ හෙට ටවුමේ පෝස්ටර් ගහන කඩෙන් සල්ලි දිලා ගන්න කිව්වෙ ගිහින් ....
අපිට පොඩි උන්ට වෙලක් කන්න දෙන්න බැරුව ඉන්න වෙලාවෙ කොහෙන්ද සල්ලි පොස්ටර් වලට......
ඔකට මහ ලොකු ගාණක් යන්නෙ නැතුව ඇති බන් ...පොඩි කඩදාසි කොළයක් නේ,එ වගේද කෙළි ගේ රස්සාව............පසුදින උදෑසනින්ම පියදාස නගරයක් ගියේ කඩේ මුදලාලි ගෙන් ණයට මුදලක් රැගෙන ය....සවස් වන තෙක්ම නිවසට තම සැමියා එනතුරු ඈ බලා හිදීය ....ගොම්මන් අදුර වැටෙන විට පියදාස ගෙට ගොඩ වුයේ බලාපොරොත්තු කඩ වූ මුහුණින් ය...ඈ කිසිත් නොඅසා උන්නාය ...
ඊයේ ගිය වැඩේ මොකෑ උණේ පෝස්ටර් ඉවර වෙලාද ??
එක මේ ඔහේ හිතන ජාතියේ සුළු පටු එකක් නෙවෙයි ....එක ගන්නවා නම් සැහෙන සල්ලියක් ඕන ....අර ගෙවල් ඉස්සරහා ගහලා විසාල රූප තියෙන්නෙ අන්න එකක් ඒයි ......පියදාස සොවින් බර මුහුණින් පැවැසිය ....
එතකොට එවත් ගහලා තියෙන්නෙ ඒ මිනිස්සුන් ගේ සල්ලි වලින් ද ?අපි ඔන්න ඔහේ ඉමු ....ඔවා නොගහා .......
මං එනකොට සිරිදාසව මුණ ගැහුණා...අපේ කෙළිත් එක්ක රස්සාව හම්බ උණු සිරිදාස ගේ කොල්ලා ගේ රස්සාව නැති වෙලාලු.....අපි කොච්චර අමාරුවෙන් ද කෙළිට රස්සාව හදලා දුන්නෙ ....අනික එකි දැන් දීග දෙන වයසේ,මං කපුවටත් කිව්වා රස්සාවක් තියෙන තැනකින් මගුලක් ආවොත් කියන්ඩ කියලා .......පියදාස ලොකු හුස්මක් ගෙන හීල්ලිය ...
මද වෙලාවක් නිහඬව හිදි ඈ ගෙතුළට වැද අතේ යමක් ගුලි කොට ගෙන වුත් ඔහු අත තැබුවාය....
මෙකවත් තියලා සල්ලි ටිකක් ගන්න බලන්න....අපිට පස්සෙ බැරියෑ ඔක බේර ගන්න....හදිසියකට ගන්න කියලා අරන් තිබ්බෙ ........කරාබු දෙක අතමත තබා ගත් පියදාස වචනයකුදු පිට කර ගැනිමට නොහැකිව සුමනා දෙස බලා හිදීය ....
