වම

විවිධ හේතු කාරණා මුල් කරගෙන මං පොඩි පොඩි කතා ලිව්වා.එහෙම ලියන අතරේ විවිධ දින වෙනුවෙන් ද පුංචි පොස්ටුක් ලියන්න පුළුවන් උණා.මේ පොස්ටුවත් එවැනිම එකක් ...

දකුණ සහ වම,ලොකේ හැම දෙයක්ම හදුන ගන්න විවිධ නාමයක් යොදපු වෙලාවෙදි මෙහෙම වෙන් කරන්න ඇති වෙන් කරලා අදුන ගන්න.අපි පොඩි කාලේ පාරේ පයින් යනවා නම් යන්න ඕන දකුණු පැත්තෙන් කියලා වැඩිහිටියෝ කියලා දුන්නා.තව කෑම කන්න ඕන දකුණු අතින් කියලා කිව්වා.ලියන්න ඕන දකුණු අතින් කියලා පැන්සල දකුණු අතට බලෙන් දුන්නා.ටිකක් ලොකු මහත් වෙනකොට අපි කවුරුත් දන්න ලිබරල් දේශපාලනය හෙවත් දක්ෂණාංශික දේශපාලනය හොදම එක කියලා බලෙන් පෙන්වන්න හැදුවා.දකුණ කියන වචනය නිවරදි කියන වචනය වගේ කියලා සැලකුවා.සමහර අය වම් අතින් ලියන කන බොන මිනිස්සුව දකින්න පිළිකුල් කලා.පිළිකුල් දෙයක් කියන්නත් එ දේවල් පාවිච්චි කලා.එහෙම කරන්නෙ දකුණින් කන බොන ලියන,වැඩ කරන  මිනිස්සු ගාව වැඩි යමක් තිබුණ නිසා වෙන්ඩ ඇති.

පොඩිම කාලේ සහෝදර ගිය ඉස්කෝලෙ පොඩි ඩෙස්ක් එකක ළමයි තුන් දෙනෙක් හිටියා.එහෙම ඉන්න කොට මට තිබුණ ලොකුම ගැටලුව තමයි මම ලියන කොට මගේ අත අනික් ලඟ ඉන්න ළමයා ගේ අතේ වැදිම දෙන්නටම එක අපහසුයි එක නිසා කොහොම හරි මට තනියෙන් වාඩි ගන්න තැනක් ලැබුණා.එහෙම තනියම ඉන්න ලැබීම පොඩි කාලේ දි මට තේරුණේ මාව පංතියේ කොන් කරලා වගේ.ගුරුවරිය ලගම වෙනම බංකුවක ඉන්න ලැබුණා.ඉස්කොලේ දි දිගටම ඔය ප්‍රශ්නය තිබුණා,ඇතැම් දේශන වලට සහභාගි වුණ වෙලාවට යමක් ලියා ගන්න තියෙන ඇදි තියේන පුටුවෙ ඉදලා මේ ප්‍රශ්නය තිබුනා.තව මුසිකය අල්ලන තැනදිත් ඔය ප්‍රශ්නෙම නැවත ආවා.බයිසිකලයක් පදින්න පුරුදු වෙන්න ඕන දකුණින් කියලා පුරුදු කරන්න හැදුවා එත් ඒ දේවල් සහෝදරට නම් කිසිම දවසක වලංගු වුණේ නෑ.සහෝදර ගේ බොහෝ වැඩකටයුතු වමට බර වුණා.ඒ දේවල් ගෙදර අයට ගැටලුවක් වුණේ නැත්තෙ සහෝදර ගේ පියාත් වමත් කරුවෙක් වුණ නිසා වෙන්න ඇති.මේ වමෙන් වැඩ කිරිම ඇතැම් අයට විකෘතියක් වගේ දැකපු අවස්ථාත් තිබුණා.

මේ හැමදෙයක්ම කිව්වෙ දකුණත් කාරයෝ,එහෙම කියන්න දකුණතට බරව වැඩ කරන්න ඕන කියලා හදා ගත්තෙත් දකුණත් කාරයින් ගේ පහසුවට වෙන්න ඇති හැබැයි ප්‍රතිශතයක් විදියට අඩු වුනත් වම් අත වැඩි වශයෙන් ප්‍රයෝජනයට ගන්න පිරිසක් ඉන්නවා ඒ අතර සහෝදරත් ඉන්නවා.බොහෝ දේවල් වලට දින වෙන් කරලා තියෙන අතරේ වමත්කරුවන්ටත් දිනයක් තියෙනවා ඒ අගෝස්තු 13 වනදා,පොස්ටුව දාන කොට නම් දිනේ පහුවෙලා .....


ප.ලි 
සම හරක් කියනවා වමෙන් ලියන අය බුද්ධිමත්ලු ,අකුරු ලස්සනලු,කතාවටත් දක්ෂ ඇති ද දන්නෙ නෑ...මේ ගැන  තියේ නම් අත්දැකීම් කමෙන්ටුවක් ලෙස ඒ දේවල් එක් කරන්න.