සංවර්ධනය නිදිවැදිම

හැම තැනම කතා කරනවා රට සංවර්ධිත වෙනවාලු,හෙන විපාර්‍යාස වෙලාලු .අපි දැන් සුඛිත මුදිත වෙලාලු .ඇත්තටම සංවර්ධනය කියන්නෙ රටක භෞතික තත්වයේ වර්ධනක් විතර ද?මොකක්ද මේ සංවර්ධනය කියන්නෙ ,සරලව කිවහොත් මිනිසුන් ගේ භෞතික හා අධ්‍යාත්මික වශයෙන් ඇති කරන දියුණුවයි.තව මේ තුලම කතා කරනවා තිරසාර සංවර්ධනය කියන එක,එකත් සරලව කිව්වොත් රටක තියෙන සම්පත් අනාගත පරපුරටත් ඉතිරි කොට වර්තමාන ආර්ථික වර්ධනය සඳහා දායක කර ගැනිමයි .මොකක්ද මේ ආර්ථික වර්ධනය කියන්නෙ සමාන්‍යයෙන් සරලව කිවහොත් දළ දේශිය නිෂ්පාදිතය මේ තුල ගම්‍ය වෙන්නෙ.

           

දැන් එතකොට මේ ගිරි කඩාගෙන කෑ ගහන දේයක් වෙලා තියෙනව ද?,මෙහෙමයි සත්‍ය වශයෙන් අපේ රටේ යම් භෞතික වශයෙන් වර්ධනයක් වෙනවා හැබැයි ඊට සාපේක්ෂව ඊට වඩා මිනිස්සුන් ගේ අධ්‍යාත්මික වශයෙන් විශාල වශයෙන් කඩාගෙන වැටෙනවා.මට තියෙන ලොකු ප්‍රශ්නයක් තමා මේ කොන්ක්‍රීට් ගොඩ ගැහුවා කියලා අවසානෙ ඉන්නෙ සත්තු ටිකක් නම් වැඩක් තියෙයි ද ?

හැමදාම කුමන මාධ්‍යය බැලුවත් තියෙන්නෙම අපරාධ මොකද මිනිස්සුන්ට වෙලා තියෙන්නෙ?මට තෙරෙන තරමින් (මේ දේශපාලන කතාවක් නම් නෙවෙයි ) රටේ අදායමෙන් වැඩි කොටසක් බෙදි යන්නෙ රටේ 25% කටත් අඩු පිරිසක් අතර,අනික් 75% පමණ පිරිස ඉන්නෙ ලොකු ජිවන බරක් දරාගෙන,එක හොදට බලා ගන්න පුළුවන් සති පොලකට ගියා නම් ,අම්මා කෙනෙක් එළවළු 250g ගන්න තුන් හතර සැරයක් කැරකෙනවා.ගාණ අඩු තැනක් හොයන්න,එතන තියෙන්නෙ තොරා ගැනිමේ නිදහස කියලා හරකෙක් කියන්න පුළුවන්.

කබ්බා හෙන පච ගනන් දලා ලොකු පොත් ගහනවා ,කාර්තුවෙන් ,කාර්තුවට හා අවුරුද්දේ අවසානෙට ,එකේ ගෙදර නැති බටු,මිරිස් කරලට පවා ගනන් හදලා තමා දාන්නෙ.ඊට පස්සෙ කියනවා 2500 කින් පවුලක් ජිවත් වෙන්න පුළුවන් කියලා ,ඒ කතාව න්‍යායක් විදිහට හරි,එත් ප්‍රයෝගික නම් නෑ.ඒ භාණ්ඩ පැස තුල අපේ රටේ තිත තියලා කියලා පෙන්නන්ඩ මධ්‍යසාර හා අනෙකුත් පාන වර්ග ඉවත් කරා,ඒ කියන්නෙ අපේ මිනිස්සු ඇල්කොහොල් අරහන් ජාතියක්,ගෙන්වලා තියෙන හා රටේ නිෂ්පාදනය කරලා තියෙන ප්‍රමණය අරන් බැලුවාම එක හොදට පෙනවා.

මේ සියල්ල මිනිසුන් ගේ කර උඩ යන්නෙ ඒ මදිවට බදු මත බදු ගහලා තියෙන්නෙ.මේ සියලු පිඩනයන් මිනිස්සු පිට කරන්න දගලනවා,එවා පිට කරන ක්‍රම වෙනස්,සම හරක් මහා දාවාලේ මංකොල්ල කනවා,වෙන කරන්න දෙයක් නැති නිසා වෙන්න ඇති.සම හරක් සියදිවි නසා ගන්නවා.වෙන රටවල් වල ඉන්න බොහි ලියන අය මේ සමහර දේවල් එයාලට රටින් පිට ඉදන් දකින නිසා වෙනම කොණ ඇති.කොම වුණත් අපේ රටේ අයට තියෙනවා මේ කොදෙව් මානසිකත්වය,අපි ඇත්තටම දුපතක් බව ඇත්ත.ඒ කියලා අපි තනියෙන් ජිවත් වෙන්න නෙවෙයි නේ.

වෙනින් රටවල් මම හොදයි කියනවාම නෙවෙයි.ඒ රටවල් වල යම් නීති පද්ධතියක් තියෙනවා,මිනිස්සුන් ගේ ජිවිත වලට යම් වටිනාකමක් තියෙනවා,එකිනෙකා ගරු කරනවා,අපේ රටේ කොන්ක්‍රීට් ගොඩ ගැහුවා කියලා මේ දේවල් නම් හදන්න සත පහක් යොදවනවා පෙන්න නෑ.එහෙනම් ඔය කියන සංවර්ධනයක් වෙලා තියෙනව ද?අවසාන්යේ ඔලු වල ලොකු බරක් පුරවා ගත්තු සත්තු ටිකක් බිහිවෙයි.උන් එකිනෙකා මරා ගනි ,ඇයි ජිවිත වල කිසි වටිනාක් නෑ නිතියක් නෑ ඉතිං ප්‍රශ්නයක් නෑනේ.හැමදාම රටේ මිනිස්සු කී දෙනෙක් නම් මරා ගන්නව ද?ඒ මැරුණේ හොරෙක් නම් මිනිස්සු හරි හොදයි කියනවා,මොකක්ද මේ වෙලා තියෙන්නෙ මේ යක්කු එක ආගමක් වත් පිලි ගන්න වුන් නෙවෙයි ද?නැත්නම් මේ තත්ත්වයට මේ මිනිසුන්ව කවුරු හරි තල්ලු කරලා ද ?

දැන් රටේ හැමතැනම අධික නියගය,සියලු බව භෝග ඇස් ඉදිරිපිට විනාශ වෙලා යනවා,කබලේ හිටපු ගොවියා ලිපට වැටෙන දිනය අද හෙටමයි.දන්නො දන්නවා ගොවියා තමන් ගේ අස්වැන්න ගෙට ගත්තේ නැතොත් අවුරුද්දම ඉවරයි.එදාවෙල කන්න බැරි වෙනවා.තවම අපේ රට කෘෂිකාර්මික රටක් වැඩි පිරිසක් ගොවියෝ.

සටහන 

පාරේ යන චුන් පාන් වැන් එකක් දිහා බලන් හිටපු මනුස්සයෙක් තමන් ගේ දරුවන්ට රැට කන්න දෙන්න විදහක් ගැන කල්පනා කර කර ඉදලා එක පාර කිව්වා දැන් ඉතිං පාන් වැන් එක මංකොල්ල කන්න තමා වෙන්නෙ කියලා.

ප.ලි 

ඇතැමෙකුට මෙය සුරංගනා කතාවකි ,තවත් සමහරක්ට මෙක යම් දේශපාලන කතාවක් විය හැක,චින්තනය ඔබ අතේ හැබැයි මේ දේවල් තමා මට දැනෙන්නේ ඇතැම් විට වැරදි වෙන්න පුළුවන් .එළියට බැහැලා බලන්න පොඩ්ඩක් මිනිස්සු ඔලුවේ ප්‍රශ්න කොටියක් පුරවාගෙන,කිසිම අරමුණක් නැතුව යනවා..මොකටද ? එදාවෙල හොයා ගන්න .

ප්‍රියා ලිවු තිත්ත කරවිල කතාවත් බලන්න .

http://rscpriyashad.blogspot.com/2014/02/blog-post_16.html