කුවේණි වුණත් වැරදි නෑ

අද කතාව කියන්න හෙතු වුණු වස්තු බීජ රාශියක් පසුගිය කාලය තුලම දක්නට ලැබිණ, බොහෝ කරුණු ප්‍රසිද්ධ මාධ්‍යය තුලින් සොයා ගත හැකිය.කෙසේ වෙතත් මං පොර නම් ඔය යන්ත්‍ර -මන්ත්‍ර,නැකත් අදිය හිස මුදුනින් පිලි ගන්නෙ නැත.එවා බොරුයි කියා කියන්නෙ ද නැත.එහෙම කියන්න ගියොත් මං පොරත් බොදු බල සේනාව මෙන් ආන්ධානුකරණයට බැණ වදිමින් එකම කරන පිරිස් ගේ ගොඩට වැටෙනු ඇත.නමුත් පෙනි පෙනි ඔය විකාර වැඩ අනුමත් කරන්න මං පොරට නම් බැරිය.කෙසේ මුත් ඒ කතා එසේය.

එක එල්ලෙම අසන්න ප්‍රරශ්නයක් ඇත.එනම් අපේ ජිවිත පිලිබඳ කොලයක් ,තැටියක් කුමක් හෝ නොපෙනෙන දෙයකින් කියා තවත් මනුස්සයෙකුට තිරණ දිය හැකිද?.අපි බොහෝ දෙනෙකුට කෙන්ද්‍රයක් කියා එකක් සදා ඇත.ඇත්තටම ඔකද අපේ ජිවිතය පෙන්වන එකම කරුණ.අපේ මිනිසුන් මං පොරට පෙන පරිදි භෞතික වශයෙන් යම් දියුණුවක් ලගා කර ගන්නා අතර විශාල වශයෙන් මානසිකව කඩන් වැඩි ඇත.නැත්නම් ඔය යන්ත්‍ර-මන්ත්‍ර කඩවල් වල මෙතරම් පොලිම් තිබිය නොහැක.මානසික වශයෙන් යම් සහනයක් ලගා කර ගැනිමට බෝධි පූජා වැනි ඕනෑ තරම් ක්‍රම තිබේ.

නමුත් ජිවිත එක්ක සෙල්ලම් කරන මේවැනි ගෝත්‍රික වැඩ මං පොරට නම් කිසිසේත්ම අනුමත කරන්න බැරිය.තැටියක් දෙස බලා ඇද බාන බෙගල් දෙස දොහොත් මුදුන් තබා වැද ඉන්නා පිරිස් දැක්කාම ඇති වන්නෙ අනුකම්පාවකි.මේ තැටි වලට හෝ ඔය දේවාල වලට ලක්ෂ ගනන් මිනිසුන් ඝාතනය කල ප්‍රභාකරන්ට හෝ එකෙකු ගේ මයිලක් වත් හොලවන්න බැරි විය.එහෙත් අහිංසක මිනිසුන් මිරිස් හෝ යම් දෙයකින් වරු තුනෙන් අනතුරක් කල හැක.වරු තුනෙන් වැඩ පෙන්වන මේ තරම් වැඩකාරයෝ හිටියා නම් ප්‍රභාකරන් අවුරුදු 30ක් නටන්න දෙන්නෙ නැති ය.අපේ අවාසනාවට මේ වීරයන් ඒ දවස් වල මර නින්දේ ය.අවදි වී තිබෙන්නෙ දැන් ය.ඒ කාලයේ සිටියේ වෙඩි උන්ඩෙට පපුව දෙන්න අපේ වීර හමුදාව පමණි.

සම හරක් මෙසේ කියන විට ගොඩනගන ප්‍රධාන තර්කයක් නම් මේ දෙවල් අපේ සංස්කෘතිය කියලා ය.ඇත්ත මං පොරත් සංස්කෘතිය තුල මේ දෙවල් තියෙන්න ඕන කියන එක පිලි ගන්නවා.එත් මේ දේ පරම සත්‍ය කියා පිලි ගන්නෙ කුමක් මතද ?. කතාව උදාහරණ මගින් කියනවා නම් මෙසේය.ඔන්න ගැණු දරුවෙක් ඉපදෙනවා ,කෙන්ද්‍රය බලනකොට සතර කෙන්ද්‍රයේ ග්‍රහයෝ නෑ,තව ඔය සර්ප යෝග ,පවුලට හොද නෑ,තාත්තාට හොද නෑ වගේ එක එක ප්‍රශ්න දානවා තවම පොලොවේ පය තියලාවත් නැති පොඩි එකා ගේ ඉදලාම.මෙහෙම කියන්නෙ යම් ක්‍රමයකට වෙන්න පුළුවන් හැබැයි ඒ දේ සත්‍ය නොවෙයි.අන්න එක සත්‍ය කියලා මං පොර පිලිගන්නවා.හැබැයි ඔය යම යම් දේවල් සම්භාවිතාව අනුව ඕනම කෙනෙක් ගේ ජිවිත වල වෙනවා ,ඇතැම් විට ඔය දරුවා ගේ තාත්තාට යම් අනතුරක් වෙන්න පුළුවන් ,ඔන්න හැම කෙනාම කියන්න ගන්නවා  අර දරුවා ගේ වරදින් තමා මේ දේ වුණේ කියලා ,ඇත්තට මෙහෙම වෙන්න පුළුවන්ද ?කොම වුණත් අර දරුවා සමාජයට වයිර කරන පුද්ගලයෙක් නම් වෙනවා.(ඔය සියළු දෝශ දෙකොඨාශයටම තිබුණත් කුමණ හෝ වරදින් පිරිමියා ගේ එවා වැඩිය මතු වෙන්නෙ නෑ )

තව දෙයක් තමා ඔබේ සැමියා බිමත් ද?/ඔබට දරුඑල නැත්ද මෙන්න අපෙන් සහනයක් ,අර අම්මාගේ වරයෙන් මේ යකා ගේ බලයෙන් ඔබේ ගැටලු වලට විසදුම් යනාදි දෙවල් ඕනෑ තරම් දැක ඇතුවා නිසැකය.

නිමිත්ත -:

ඔන්න කසාද බැදලා අවුරුදු ගනනක් යනකන් දරුවන් නැති පවුලක් ඉන්නවා,කරන්න තියෙන ගොඩක් දෙවල් කරනවා,ප්‍රතිඵල නෑ,පස්සෙ කවුරු හරි කියන දෙයක් අහලා ඔය වගේ යන්ත්‍ර-මන්ත්‍ර වැඩ කර්න ස්ථානයකට නෝනා මහත්තයා හොරෙන් යනවා ගියාම කියන්නෙ මෙන්න මේ ගුලි දවස් 14ක් යනකන් කැම වලට දාලා කන්න දෙන්න මේ ගැන කටවත් කියන්න එපා එහෙම වුණොත් මෙකේ බලය නෑ කියලා.ඊට පස්සෙ නෝනාත් ඔය වැඩ ටික පිලිවෙලට කරලා අයේ ගියාම කියනවා මහත්තයාව එක්කරන් එන්න කියලා.මොනවා දෙනවද දන්නෙ නෑ ඔය බෙහෙත් කියලා,හැබැයි අවසානයේ වෙන්නෙ අර මනුස්සයා මානසික රෝගියෙක් හරි ,වෛද්‍යවරුන්ට හොයා ගන්න බැරි ලෙඩක් හැදිලා අකාලයේ මිය පරලොව යනවා.පස්සෙ ඔය ගැන ආරංචි වෙන පිරිස් හමුවේ ,අර බිරිදට ඇති වන පිඩනය ආදි නොයෙක් ප්‍රශ්න.අවසානයේ ඒ මනුස්සයාටත් තමන් ගේ ජිවිතය එපා වෙනවා.ඕවැනි සත්‍යය කතා විශාල ප්‍රමාණයක් පසු ගිය දවස් වල අහන්න දකින්න ලැබුණා.

ඇයි මිනිස්සු මේ තරම් හරි ක්‍රම තියෙද්දිත් මේ වගේ ගෝත්‍රික වැඩ තවමත් පිලි ගන්න හදන්නෙ.ජීවිත්යෙන් වන්දි ගෙවන්න වෙන තරම් අවධානමක් අරන් ,මං පොරට හිතා ගන්නම බැරි ප්‍රශ්නයක් .විශේෂයෙන්ම උගත් කියලා රටේ පිලිගත් අය තමා වෙලාවකට මේ දෙවල් වල ඉදිරියෙන්.පසු ගිය කාලයේ රහත් වුණු භික්ෂූන් ඉන්න රටක ද මෙහෙම වෙන්නෙ කියලා හිතෙනව වේලාවකට.

ප.ලි 

අසන්න දකින්න ලැබුණු කරුණු නිසා මේ දේ ලියවුණි.කියවන්න අපහසු බව මං පොරටද තෙරෙනවා .හිතේ තිබුණු කලකිරිම,පිලිකුල වැනි සිතුවිල්ලක් නිසා ලියවුනේ මේ විදිහට .